സംഭവകഥ -1

ഉടുപ്പി ക്ഷേത്രത്തിനടുത്ത് അച്ഛനും അമ്മയും രണ്ടു പെണ്‍കുട്ടികളും അടങ്ങിയ  കൃഷ്ണഭക്തരായ ഒരു സാധു കുടുംബം താമസിച്ചിരുന്നു. എന്നും രാവിലെ എന്തു തിരക്കുണ്ടായാലും എല്ലാവരും കൂടി വന്ന് ഉടുപ്പി കൃഷ്ണനെ തോഴുതീട്ടേ മറ്റു കാര്യങ്ങൾ ചെയ്തിരുന്നുള്ളൂ. എന്ത് ചെയ്യുമ്പോഴും അവർ 'കൃഷ്ണ കൃഷ്ണ'എന്ന് ജപിച്ചു കൊണ്ടിരിക്കും. അവരുടെ ഭക്തി കണ്ടു ആ ഗൃഹനാഥൻ ജോലി ചെയ്തിരുന്ന പലചരക്ക് കടയിലെ മുതലാളി എപ്പോഴും കളിയാക്കും
"നിങ്ങൾ എന്തിനു കഷ്ടപ്പെടണം. എന്തിനും കൃഷ്ണൻ കൂടെല്യേ. എല്ലാം അവിടെ പറഞ്ഞാൽപ്പോരെ? കഷ്ടം! നാണമില്ലല്ലോ, ഏതു സമയവും കൃഷ്ണാ കൃഷ്ണാ ന്ന്‌ വിളിച്ചീട്ട് എന്ത് നേടി?  നിങ്ങൾ ഒരിക്കലെങ്കിലും കൃഷ്ണനെ കണ്ടീട്ടുണ്ടോ? ഇതെല്ലാം വെറും അന്ധവിശ്വാസമാണ്‌  "
എന്ത് പറഞ്ഞാലും ആ സാധു മറുത്തൊരു അക്ഷരം പറയാതെ പുഞ്ചിരിച്ചുകൊണ്ട് നാമ ജപം തുടരും
അങ്ങിനെ ഇരിക്കുമ്പോൾ  ആ ഗൃഹനാഥൻ സുഖമില്ലാതെ കിടപ്പിലായി. അദ്ദേഹത്തിനു ജോലിക്ക് പോകാൻ കഴിയാത്തതുകൊണ്ട്‌ അവർ ബുദ്ധിമുട്ടിലായി. ആ കുടുംബത്തിന് വേറെ വരുമാനമാർഗ്ഗം ഒന്നും ഉണ്ടായിരുന്നില്ല. അടുക്കളയിൽ ഉണ്ടായിരുന്ന ഭക്ഷണ സാധനങ്ങളും പച്ചക്കറികളും എല്ലാം തീർന്നു. ആ സ്ത്രീക്ക് വലിയ വിഷമമായി.  എങ്ങിനെ ഞാൻ എന്റെ കുടുംബത്തെ മുന്നോട്ട് നയിക്കും? കുഞ്ഞുങ്ങളെയും ഭർത്താവിനേയും പട്ടിണിക്കിടാൻ പറ്റുമോ? തത്ക്കാലം അദ്ദേഹം ജോലി ചെയ്യുന്ന കടയിൽനിന്നും സാധനങ്ങൾ കടമായി വാങ്ങുവാൻ അവർ തീരുമാനിച്ചു. കടയിൽ നല്ല തിരക്കുളള സമയമായിരുന്നു.
അവർ വീട്ടിലെ സ്ഥിതിഗതികൾ കടയുടമയെ വിനീതയായി പറഞ്ഞു മനസ്സിലാക്കി. അയാൾ കളിയാക്കി ഉറക്കെ ചിരിച്ചു കൊണ്ട് ചോദിച്ചു.   "അല്ലാ എന്ത് പറ്റി? നിങ്ങളുടെ കൃഷ്ണൻ ഒന്നും തന്നില്ലേ? ആ കൃഷ്ണനോട് ചോദിക്കാതെ എന്തിനു ഇങ്ങോട്ട് വന്നു.? "
ഒന്നും പറയാതെ ആ സ്ത്രി തിരിച്ചു പോകാൻ ഭാവിച്ചു. അവിടെ കൂടിയവരെല്ലാം ശ്രദ്ധിക്കുന്നതു കണ്ടപ്പോൾ അയാൾക്ക് ഒരു നേരംപോക്ക് തോന്നി. അയാൾ പറഞ്ഞു
" നിൽക്കൂ. നിങ്ങൾ വലിയ കൃഷ്ണ ഭക്തരല്ലേ?  നിങ്ങളെ വെറും കയ്യോടെ വിട്ടാൽ കൃഷ്ണൻ ഞങ്ങളുടെ നേരെ കോപിച്ചാലോ. അതുകൊണ്ട് ഇതാ ഈ കടലാസിൽ വേണ്ട സാധനങ്ങളുടെ ലിസ്റ്റ് എഴുതി തുലാസിൽ വെക്കു, അതിന്റെ തൂക്കത്തിന് അനുസരിച്ചുള്ള  സാധനങ്ങൾ ഞാൻ നിങ്ങൾക്ക് തരാം”
ഇത് കേട്ട സ്ത്രീ തന്നെ കളിയാക്കിയതാണ് എന്ന് മനസ്സിലായി എങ്കിലും കണ്ണുകളടച്ചു ഒരുനിമിഷം നിന്നു. അതിനുശേഷം കടലാസു വാങ്ങി അതിൽ എന്തോ എഴുതി ആ കടലാസ് മടക്കി വളരെ ശ്രദ്ധാപൂർവം  തുലാസ്സിൽ വെച്ചു. അത്ഭുതമെന്നു പറയട്ടെ, തുലാസ്സിന്റെ തട്ട് വലിയ ഭാരം വച്ചതു പോലെ താഴോട്ടുപോയി. ഇത് കണ്ടു കടയുടമയും കൂടെ നിന്നിരുന്നവരും  അതിശയിച്ചു. കടയുടമ സംഭ്രമത്തോടെ ആ സ്ത്രീയെയും തുലാസും മാറി മാറി നോക്കി. എന്നീട്ടു മറ്റേ തട്ടിൽ സാധനങ്ങൾ ഓരോന്നായി വയ്‌ക്കാൻ തുടങ്ങി. പക്ഷെ എത്ര സാധനങ്ങൾ വെച്ചിട്ടും തുലാസിന്റെ മറ്റെ തട്ട്  താണു തന്നെ ഇരുന്നു. അവിടെയുള്ള ഭൂരിഭാഗം സാധനങ്ങൾ വച്ചീട്ടും ആ കടലാസ് വച്ച തട്ട് ഉയർന്നു വന്നില്ല. കടയുടമ വളരെ അത്ഭുതത്തോടെ ആ സ്ത്രീയുടെ മുഖത്തുനോക്കി. അവളുടെ കണ്ണുകള്‍ നിറഞ്ഞൊഴുകുന്നു. ആ പകടലാസിൻറെ ഭാരത്താൽ തുലാസ്സിന്റെ തട്ട് തന്നെ പൊട്ടി.
ആകാംക്ഷയോടെ കടയുടമ ആ തുണ്ട് കടലാസ് എടുത്തു വായിച്ചു.
അതിൽ നാലക്ഷരം മാത്രം എഴുതിയിരിക്കുന്നു
"കൃഷ്ണ കൃഷ്ണാ"
എല്ലാവരും കളിയാക്കിയതിൽ ക്ഷമിക്കണം എന്നു പറഞ്ഞ് അവരോട് മാപ്പു ചോദിച്ചു. കടയുടമ പറഞ്ഞു
"ഇനി മുതല്‍ നിങ്ങള്‍ക്ക് വേണ്ടതെല്ലാം ഇവിടെ നിന്നും പണം തരാതെ കൊണ്ടുപോകാം. "
 സ്ത്രീ പറഞ്ഞു.
 "കൃഷ്ണ കൃഷ്ണാ! അങ്ങയുടെ സന്മനസ്സിന് നന്ദി. എനിക്ക് രണ്ടു ദിവസത്തേയ്ക്കുള്ള സാധനങ്ങള്‍ കടമായി നല്കൂ.  അദ്ദേഹത്തിന്റെ അസുഖം മാറിയാല്‍ ഞങ്ങള്‍ ജോലിചെയ്ത് കടം വീട്ടാം."

ഉറച്ച മനസ്സോടെ ആരു വിളിച്ചാലും ഭഗവാൻ ഓടിവരും. അകമഴിഞ്ഞു വിളിക്കുന്ന ഒരോ നാമത്തിന്റെ ശക്തിയും തൂക്കവും ഈശ്വരനു മാത്രമേ അറിയുകയുള്ളു.
ഹരി ഓം
കടപ്പാട് ഗുരുപരമ്പരയോട്
കടപ്പാട് :- https://chat.whatsapp.com/48eilk23yzs1qMlGNp6M2o